سن البخ ^_^

احم احم
انا:مرحبا
هي: هلا يا عمرررررري
انا :كيفك مشتقالك
هي:ياعمرري وان كماااااان مشتقالك كتييييييير
انا:الله يسعدك حبيبتي
هي:احكيلي شو اخبارك؟
انا: الحمد لله تمام
انا:مبروك ما اجاكي يتربوا بعزك (تلاتة توووم)
هي:الله يبارك فيكي يا عمري
هي :خبريني عنك انا سمعت انو خطبتي وبطلتي ؟؟ ولا لتكووني تزوجتي؟؟
انا:(سؤال لزيز كتييييييير وبحب اجاوب عليه كتيييييير) لا والله يختي لا خطبت ولا بطلت ولا اتزوجت لسا ما خلصت جامعة اساسا
هي: ليه طيب؟؟
انا:(وكلي حيرة من امري شو الي ليه) انا عارفة نصيب
هي: ليه يعني ما حدا بيتقدملك ولا مش عاجبينك ولا في حدا يا بطة؟؟
انا:(جلطة !!!) ههههههههههههههههههههه والله نصيب كل شي بوقتو حلو
هي: يبقى اكيد في حدا ولي؟؟
انا: هههههههههههههه لا ابدا حدا الله ما في
هي:هههههههههههههههههههههه والله فكرتك متزوجة كنت هفرحلك كتييير
انا: الله كريم حبيبتي
طيب اانا افهمكم شو هادا الي فوق
هادي محادثة مختصرة بيني وبين صحبيتي من ايام المدرسة كانت من صديقاتي المفضلات كانت ايام المدرسة لما تنفتح هيك قصص تحكي البنت ازا وصلت لعمر 22 سنة وما تزوجت بتبقى عنست يعني وصلت سن البخ ع قولة علا
ع قولتها ببقى عنست ههههههههههههههههههههههههه هي انجزززت طبعا واتزوجت من سن ال19 وع العشرين صار معها 3
الله يخليها اياهم
قضية ما بحب اناقشها بس مسلسل عايزة اتجوز زكرني بهادي القصة
بستغرب كتير بهيك قصص بس برجع بحكي يمكن بيرجع ورا هالقصة هو انو مجتمعنا ذكوري درجة اولى يعني نسبة الذكور اعلى من نسبة الاناث والاهالي الي عندهم بنات كتير بيحكو بكرة بتزوجو وبيخف حملهم ببقى الواحد فيهم مستمر بالخلفة كرمال ولد يحمل اسمو بس بالمقابل الضريبة دستة بنات وبالاخر كرمال الولد بشحت حالو وبشحت ولادو بجد بستغرب بهيك ناس ما معك تاكل ليه بتخلف هالقد
وبالاخر بيزوجو بدري بناتهم ولمين ما يكون يكون يطلقوا مش مشكلة المهم اسمهم بناتو اتزوجو ما عنسوا اصلو كلمة عانس بتوجع اكتر من كلمة مطلقة “غباء شرقي مستفحل”
الي بقصدو انو البنات بيظلموا حالهم احيانا بافكارهم وافكار اهاليهم العبيطة مع احترامي لكل الاهل واكيد انو كل الاهالي بحبو يفرحو باولادهم
بس ياريت ما يفرحوا بطرريقة غلط تبقى سبب تعاسة ولادهم
…..

Advertisements

10 تعليقات

Filed under واقــــــع من الواقـــع

10 responses to “سن البخ ^_^

  1. التنبيهات: Shbbk | شبك

  2. بطاطا

    و استرجي قولي لأ؟؟!!!!!!!!!!!!
    ع الأكيد في إن
    بس النهفة بالموضوع عنجد إنه هالثقافة ذاتها ترسخت عند نسبة لا بأس بها من الإناث
    يعني كنا بمصيبة الأهل و صرنا بمصيبة الأهل و الحالة(البنت)،، و الأحلى من هاد كلو،، الناس اللزيزة زي صاحبتك اللي فوق D:
    فإنو اشي بيفتح النفس ع الحياة D:
    و بكرة لاحق مشاكل مع جوزها و حماتها و تحرد و ترجع و إلخخخخ،، يا زلمة كانت عندك لحالها ،، ضروري ترجعها بعدد متضخم هي و الولاد؟؟!!!!!

  3. Eng:M.TAHA

    مش بالضرورة كل وحدو تتزوج بدري انو زواجها بفشل ومشاكل وما بعرف شو ،،
    انا ضد الزواج المبكر لكن في نفس الوقت بعتقد 19 مش زواج مبكر !
    الزواج المبكر لمة تكون 14 و 15 سنة !

    على العموم الموضوع مثير وفي آراء كتير وبتدخل في الثقافة والعادة والظروف المادية !!!!
    يعني لمة يكون الأب ادوب لاقي يطعمي ولادوا تصير بنتوا عمرها 16 ولا 17 سنة اكيد رح يجوزها ها تخلص وتصير بدها تروح عالجامعة ! فبقلك لا تروح عند جوزها تنستر ويصرف عليها احسن

    عالعموم حبيت اصحح معلومة ذكرت انو مجتمعنا في عدد الذكور اعلى من عدد الاناث وهي معلومة خاطئة 100% أعتقد اخر احصائية كانت كل شب مقابلوا 4 بنات في غزة !
    طبعا هالشي طبيعي في ظل الاحتلال وكل المجتمعات اللي فيها نزاعات اللي بروحوا في المشاكل العائلة والحزبية والاحتلال هما ذكور اما الاناث فبضلهم قاعدين في وجوهنا 😀

  4. الموضوع والله يا شباب بيغيظ
    محمد تخيل نفسك والد لبنت عمرها 19 بتحس وبتعرف انو هادا زواج مبكر
    وبعدين الي بيزوج بناتو لانو مش ملاقي ياكل ما حدا ضربو ع ايدو وحكالو يخلفهم ولا هي بس خلف وارمي اه ما هو كل مولود بيجي رزقو معو ونسي انو الله حكى اسعي يا عبدي وانا بسعى معاك مش يعني خلف وارمي ووما تهكل هم الي مش قد الخلفة ما يخلف
    بالنسبة للمعلومة تبعت انو عدد الاناث اكتر صحيح خطأ مطبعي طلع معي ما علينا
    وهادا طبعا سبب كافي خليني احكي للهفة بعض الاهالي والفتيات ع الزواج

  5. شكلو يا حجة لينا عنستي ومش ناويه تقتنعي هههههههههه
    صحبيتك فهماكي منيح
    أبويا بيقلك بدو يعلم كل البنات عشان ينفعوه بكرا والله الموضوع هادا بدو موضوع لحالو
    وبعدين الحجه عاوزه اتجوز في التلاتيين يعني فات البدري والوخري عليها هههه
    بالاخر كل اشي نصيب
    بس يا لينا بدنا موضوع قديش مهر البنات بيكون والأمور المترتبه بعدين

  6. هههههههههههههههههههههههه
    والله هادي مش عندي يخو هادي عند اهل العروسة تبعتك روح اسالهم بيحكولك

  7. مقلوبة

    انا لو بإيدي كنت ما اتجوز..!
    الناس في أوروربا بيصير عمر الواحد فيهم 50 سنة ولسا ما بتبدأ حياته..!
    إحنا هان بيصير عمر الواحد 18 سنة وبتكون خلصت حياته..!

    الله يرزقك بعريس أنيق..! هههه

  8. ههههههههههههههههههههههههههههههههههههههههههههههههههههههههههههههههه
    ههههههههههههههههه
    لا شكرا بدري يا حج ع العريس

  9. التنبيهات: تجمع المدونين الفلسطينيين

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s