ماسنجر11 وما ادراك ما ماسنجر11

في البداية صار اجباري يعني ما في مجال تفرمت وتنزل ماسنجر وما تنزل اخر نسخة 11 لانو بيطلب تحديث للماسنجر
المهم بالاول انا لقيتو جلطة جد انجلطت منو ما بتفهم عليه اول مرة مع الوقت بتفهملو وبتحبو نبدا ميزات اكتشفتها فيه :
واحد ما بيتغير النيك نيم اطلاقااااااااااااااا لو طقيت راسك بستة وستين حيط ما بيتغير لانو النيك نيك هو عبارة عن اسمك بصفحة الهوتميل بس بتقدر تغيرو وهادي ميزة موجودة بالاصدارات السابقة امكانية تغيير اسمك بماسنجر 11 نظرا لانو اسمك بصفحة الهوتميل هو نفس النيك نيم اضافو ميزة تغيير الاسم بكل سهولة من خلال واجهة الماسنجر بس بيحولك ع صفحة الهوتميل لتغيير الاسم حسب ما بدك
تاني شغلة البلووووووك ما في شي اسمو بلوك في خاصية الظهور دون اتصال لشخص معين بس للامانة لحتى الان بلخبط فيها ومش تمام انا واياها بس بستخدمها خيار عام للكل والي بدي اياه بس بظهرلو اون لاين بالاصدارات القديمة كان الواحد كرمال يحكي مع شخص واحد ومطر يظهر اون بدو يسلخ بلوكات كل جهات الاتصال بالاصدار هادا لا كل الي عليك تعمل ظهور دون اتصال للكل وتروح تفتح محادثة فورية مع الشخص الي بدك اياه وتضغط ع زر الظهور متل لهذا الشخص ميزة لزيزة
تالتة شغلة بيربطك هادا الاصدار مع المواقع الاجتماعية الفيس بوك وتويتير والشلة هادي وبيعرضلك اياهم بشكل جانبي واخر المستجدات حلوة كتير كمان هادي الميزة
رابع شغلة زر التكبير والتصغير مش دبل كليك لا تكبير يعني بيعرضلي الصفحة الي كانت تظهراول ما يفتح الماسنجر زمان صارت دائمة بس لما تحدد شكل الماسنجر كيف بدك اياه كبير ولا صغير
في اشكال صوتية لزيزة الز من الاصدارات السابقة وكمان للناس الي بحبو يجمعوا الرموز التعبيرية الصغيرة بيريحهم لانو فيه رموز كتير لزيزة وحلوة ومعبرة كتير
مشكلة فيه انو ما في باتش الي يخليك تفتح كزا ايميل بنفس الوقت انا سمعت انو عملوا باتش بس لحتى الان ما وصلني ولا شفتو بس سمعت سمع حسب الي حكولي بس ما شفت حاجة
شغلة تانية هادا الاصدار ما بينزل ع اصدارات ويندوز القديمة بس ع ويندوز7 يعني سياسة احتكار منتجات واجبار المستهلك او المستخدم على تحديث نظام التشغيل حركة تجارية بحتة من رايي بتخسر الشركة زبائن ,ممكن البعض يعترض ع رايي بس هادي وجهة نظري
غير هيك الاصدار مازال يحتوي على جميع ميزات الاصدارات القديمة للماسنجر لزيز وحلو بس للوهلة الاولى صعب التعامل معه
شو رايكم بماسنحر 11؟؟

Advertisements

6 تعليقات

Filed under أخبار ع السريع

6 responses to “ماسنجر11 وما ادراك ما ماسنجر11

  1. هو اجديد وسريع كتير بطل زي زمان المحادثه تتقل كتير
    بس قصة البلوكات هادي مشكله قصتها طويله يمكن جربتوها كيف ممكن تعملو ظهور دون اتصال لشخص بعدين اعمل الظهور للكل بيروح كل ال عملتلهم ظهور دون اتصال
    بعدين النك نيم مش مهم كتير النا بيكفي رساله شخصية…
    وهي رابط تحميلو كامل
    http://www.mediafire.com/?kbrsi09s65mk72f
    يعطيكي العافية

  2. أوافقك الرأي في أنه قصة كبيرة في عملية التحميل على الجهاز مع حجمه العائلي
    لكن للتعليق فإنه أسرع بكثير من “المسنجرات” السوابق
    ما أزعجني مثلك هو كثرة التفرعات والإضافات والإبلاغات..
    رغم أنه يمكن التخلص من معظمها والتقنين منها.. لكن بصراحة عندما يقدم الواحد منا على إيقاف هذه التنبيهات والإبلاغات يتوقف هنيهة ويقول في نفسه: لم لا؟ خلليها يمكن تنفع
    حيث تم ربط المسنجر “بالفيس بوك” و”لينكد إن” و صفحة البريد فأصبحوا كلهم شبكة واحدة
    وأي تغيير في الاسم المستعار مثلما أسلفت يظهر في تلك التفرعات .. يعني قصة تانية
    ما يشفع له أنه حتى الآن بيتا (إصدار تجريبي)
    لكن..
    سواء كان رأينا في إيجاباً او سلباً.. سنرضى به ونوافق على الشكل ألفا النهائي الذي يخرج للعلن..

    • اسعدني مرورك الاول لمدونتي 🙂
      بالنسبة للماسنجر حتى هادي الاضافات للامانة وبكل صدق ما استخدمت ولا وحدة فيهم يمكن السبب الرئيسي عدم اهتمامي بالمواقع الاجتماعية زي الفيس البوك الي مربوط في الماسنجر
      اما انو سواء قلنا اه ولا لأ انا ما بأيدك فيها لانو بالنهاية الشركة بتعملوا بيتا لتستعرض اراء المستخدمين ( المستهلكين ) يعني بتخاف تجازف ما تنسى الهدف الرئيسي لهيك شركات هو هدف تجاري بحت ولا كان ما اوجدو ” ارسال تقرير ” رسالة تنبيه للشركة عن راي المستخدم
      اشكرك تواجدك من جديد

  3. howa app jameeleh bela shak , bas el moshkileh ino sha3’let el block wel thohor online o mish 3arf shu … fade7a awalm anazalto fe nas min sneen mish 7aki ma3ha kol el 3alam sarat online 3andi ma ba3rf keef :S…

    shukran 3al post el jameel , takabale morore o 3ajabni mawdo3 el tadwen bel 3ameyyeh

    • هلا كاسترو اسعدني مرورك
      انا تقريبا اتأقلمت مع قصة البلوك اقرأ التدوينة تاني بتعرف تعمل البلوك
      شكرا لمرورك وبتنور دايما

  4. التنبيهات: تجمع المدونين الفلسطينيين

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s