امورك عجب يا دنيا

هل هو مبروك
ولا هو بوادر مصيبة جديد!!!
للامانة في ناس مبسوطة بالي صار وبشكل غريب وفي ناس حاطة ايدها ع قلبها ولسانها معقود بسبب خوفها من الي جاي
ما بعرف هل هو فعلا بشارة لبداية عصر وعهد الشباب ولا بداية توالي سقوط الحكومات العربية!!
تونس راحت
مصر راحت
بوادر بالسودان
وبوادر بعدة دول ربما لم يسلط الاعلام عليها .
اخر بيان للمجلس الأعلى بجد بالنسبة الي كان صاعقة استغربت انو ينزل تحت رغبة الشعب ولو انو بيدل انو انسان بجد حابب يعطي الشعب الي بدو اياه ويعطيه فرصة ليغير مصيرو بايدو بس السؤال الي بيطرح نفسو هل الشعب فعلاً حكى كلمتو بالوقت المناسب
لو فعلا بالوقت المناسب اتوقع التغيير للافضل !
وازا مش الوقت المناسب ازا الله يكون بعونهم … صراحة ليس لدي المقدرة لتحديد فرحتي او حزني بما يحدث!!
وسؤال تاني ما موقف الوطن العربي والشعوب العربية من الي صار
لندع للايام القادمة كلمتها الاخيرة!

هادا بخصوص اخر شي صار بمصر “تنحي السيد حسني مبارك عن الحكم ”
________________
خبر تاني للامانة صعقت لقرائته وهو وفاة طل الملوحي المدونة السورية ابنة التاسعة عشر
ما بعرف هل هالخبر صحيح ولا فبركة اعلامية!
الغريب بالموضوع انو الحكومات العربية بجد بتخاف من الاصوات الحرة بس لمش درجة انو تخاف من بنت 19 سنة!!
بيزكرني بمقولة سمعتها من ستي الله يرحمها اليهود ليه بيقتلوا الصغار عنا وبيعتقلوهم لو شافوهم بيرجموهم بحجار
” الصغير مصيرو يكبر ويصير اقوى وينتقم لابوه او اخوه او او او ” هو صحيح احنا بنكبر والحقد والانتقام مالي قلوبنا وروحنا على اليهوود من كتر ما عملوا بالشعب الفلسطيني بس اسرائيل ما بتخاف من واحد بيحكي الحكي غير عن الفعل ممكن يخافوا من اقلام موثقة بس اقلام حرة التفكير دون توثيق ما اتوقع ما بعرف يمكن خبرتي بهيك موضوع ضعيفة .
بتمنى خبر وفاة هالبنت يبقى مش صحيح,وازا صحيح الله يرحمها ويكون بعون اهلها
كل الود

Advertisements

6 تعليقات

Filed under واقــــــع من الواقـــع

6 responses to “امورك عجب يا دنيا

  1. هو بشارة للشعب الغزي لأن الشعب المصري لن يرضى بزعيم غير عقلاني مع شعبنا
    ممكن تكون الايام القادمة صعبة لكن القادم بشكل عام سوف يكون أفضل مما سبق
    والتغيير كتير كويس لشعب عاش مرارة أكثر من 30 سنه تحت ظل العبودية من رئيس لم يكترث لكثير من شعبه
    ودوما نتمنى ان يكون كل خير لكل الشعوب العربية وهي قصة المدونه ال حكيتي عنها مثال على ظلم بعض الحكام
    يعطيكي العافيه يا لينا

  2. ان شا الله خير
    بنتمنى بجد يكون التغيير لافضل لكل الشعوب العربية
    ويبقى تنحي رئيس جمهورية مصر لصالح الوطن العربي مش العكس
    الله يجيب كل خير

  3. هي فرحة بسقوط من يراه الكثر سبب تدهور مصر و تراجعها للوراء يوما بعد يوم .. الله يعلم بالنوايا
    طل الملوحي لا أنفك افكر بما حدث للبنت الزغيرة هادي .. ربنا يطمن أهلها و كل حر عليها يارب ..

    تقبلي مروري 🙂

  4. اتمنى من كل قلبي أن أرى – قبل رحيل جيلنا- أن الشباب العربي اجتمعوا في قمة عربية شبابية ليقرروا مصير الأمة المنكوبة بعقول حكام ووعاظ سلاطين منافقين- يارب..

  5. اتمنى معك ذلك
    بالرغم من صعوبة هادا الشي بالوقت الحالي نظراً لعدم اجتماع الشباب كمان ع كلمة وحدة لحتى الان
    اشكر مرورك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s