غرامي كلوووو

احم احم الطبخ من هواياتي
بحب اطبخ وبستمتع بالطبخ كتيييييييييييييير كتييير خصوصا الأكلات الي بحبها
سبب تاني لحبي للطبخ كوني شبه نباتية يعني ما باكل اللحوم كلها بس وبشكل قطعي ومحدد صدور الدجاج والحبش غير هيك يبعت الله
ما علينا حبيت اغير بالاكلات الي بعرفهم كالعادة لقيت كام طبخة لزيزة للعلم ازكى اكل الأكل الايطالي والفرنسي واللبناني وبعض الاكلات الفلسطينية مش كلها انا بحبها
اول شي الطبخة الايطالية حبيبة قلبي الي دايما بعملها
الفطر مع البيض
شي فاخر ولزيز وخفيف بعملها فطور او عشا ولما تضيق فيا السبل بعملها غدا ^_^
المقادير:
علبة مشروم ( فطر) مقطع او حبات كاملة
بصلة كبيرة مقطعة مربعات صغيرة او حجم متوسط حسب ما بتحبوا
فلفل اخضر حراق حسب الرغبة بس نصيحة كترو منو بيعطي الاكلة نكهة لزيزة كتير
بقدونس حسب الرغبة او فينا نستغنى عنو بس لزيز بيعطي نكهة
2 بيضة
طريقة التحضير:
اول شي انا بحب كل شي يبقى جاهز قبل ما ابدا بعمايل الاكلة يعني
بقطع البصل وبحطو ع جنب
بقطع الفلفل وبحطو ع جنب
بقطع المشروم وبحطو ع جنب
بقطع البقدونس وبحطو ع جنب
بنجيب قلاية وبنحط فيها زيت قلي مش مهم شو نوعو المهم انو تكونوا بتحبوه
بنحمي الزيت شوية وبعديها بنحط بالقلاية الفلفل الحراق المقطع وبنقلبو شوية ريحتو قوية بتصير مع التقليب لهيك افتحوا شباك نصيحة ^_^
ما بنخلي الفلفل ينحرق مجرد ما نحسوا دبل او لونو بدا يتغير بنسقط فوقو البصل المقطع وبنقلبهم مع بعض لما يدبل البصل شوية
بنسقط فوقهم الفطر او المشروم وبنقلبهم مع بعض بنحط ملح وفلفل اسود زي ما بدنا ^_^
بنغطي القلاية وبنوطي النار ع الاخر ضروري نحط غطا المشروم مع القلي بيفرقع ما بيطير بس بيطلع اصوات والزيت بيصير يطير وبيحرق
بنسيبوا شي خمس دقايق وبنرجعلو بنعلي النار وبنجيب 2 بيضة وبنقلبهم مع بعض ممكن نحط شوية فلفل اسود بس لمنظرو يعني بس مش كتير لانو الفلفل الاسود مش منيح ما بنهضم وبتراكم بالكلى
لما يستوي البيض بنطفي النار وبنحط فوق الموضوع كلو البقدونس المقطع وبنقلبهم ع حمى القلاية يعني من غير نار وصحة وعافية
بيتاكل بالشوكة برفقة الخبز طبعا بس تسهيلا مني باكلو بالخبز لزيز مع كاسة شاي اخر فخامة
هادي الاكلة قريتها من زمااااااان من تلات اربع سنين ولليوم بعملها لزيزة بتشبع بالقطعات.
————————————–
تاني شي هالاكلة اللزيزة لبنانية بس لزيزة عجبتني
فاصوليا بزيت الزيتون
بيعملوها للفطور خفيفة
المقادير:
فاصوليا بيضا الكمية ع حسب عدد الاشخاص يعني فينا نقول 2 كاسة فاصوليا بيضا بننقعها قبل بيوم وبنحط عليها معلقة كربونات وتاني يوم بنغسلها وبنصفيها
زيت زيتون
1 ليمونة
ثوم حسب الرغبة
زعتر مجفف مش الزعتر العادي لأ ورق الزعتر بس بنطحنو شوية
طريقة التحضير:
بنسلق الفاصوليا لتصير طرية بس مش تنهرس وبنصفيها وبنحطها ع جنب
بنجيب الثومة بنطحنها مع شوية ملح
بنعصر الليمون وبنحطو فوق الثومة المطحونة وبنحط فوقهم الزعتر المطحون
كل هادي الخلطة بنحطها فوق الفاصوليا البيضا الي سلقناها بنقلبهم كلهم مع بعض منيح من غير ما نفتفت الفاصوليا
اخر شي بنحط زيت الزيتون مش كتير نغرقو بس بنحط زي ما بنحط ع صحن الفول او زيادة شوية
وبنقلبهم مع بعض وصحة وعافية
طبعا بتتاكل بالخبر هالأكل مع كاسة شاي شيء فااااااخر جدا
——-
طبخة من النت راح اجربها

المكوّنات

* 250 غ من الفاصوليا البيضاء٬ المجفّفة
* 1 حبة صغيرة الحجم من البصل٬ مقشّرة ومقطّعة إلى أرباع
* 1 حبة كبيرة الحجم من الجزر٬ مقسومة إلى نصفين
* 2 من ورق الغار( من العطار رهييبة نكهتو)
* 32 حبة من اللفت الصغير
* رشة من الفلفل الأسود المطحون
* 1200 غ من صدور الدجاج منزوعة الجلد
* 40 غ من عصير الحامض٬ أو عصير ليمونة حامضة واحدة
* 2 فصوص من الثوم٬ مسحوقان
* 1 عِرق من الزعتر الطازج
* 2 مكعبات من مرقة الدجاج ماجي ملح أقل٬ مغليّان في 600 مل من الماء
* 2 ملاعق طعام من الكريما مخفّضة الدسم
* 1 ملعقة طعام من البقدونس الطازج٬ المفروم
* ½ ملعقة صغيرة من زيت الكمأ( من العطار)
* 2 ملاعق طعام من الخل الأبيض
* 2 ملاعق طعام من زيت الزيتون
* 1 ملعقة طعام من الثوم المعمّر٬ المفروم
* ½ ملعقة صغيرة من خردل ديجون( من السوبرماركت هادا زي زبدة الفستق شكلو )

طريقة التحضير

تُغمر الفاصوليا المجفّفة بالماء البارد لليلة كاملة، ثم تُصفّى وتوضع في قدر. تُضاف كمية من الماء البارد لغمرها، وتوضع على النار حتى تغلي ويُضاف إليها البصل والجزر وورق الغار. تُترك على نار خفيفة لمدّة ساعة أو حتى تصبح طريّة. ثم تُصفّى وتُغمر بالماء البارد الجاري لتصبح نضرة وتُصفّى من جديد للتخلّص من المنكّهات. تُتبّل وتوضع جانباً. يُحمّى الفرن مسبقاً على حرارة 190 درجة مئوية.

توضع حبوب اللفت الصغيرة في الماء المغلي لدقيقة تقريباً، ثمّ تُجفّف وتُوضع تحت الماء البارد الجاري لتستعيد نضارتها. يُقشّر اللفت بشكلٍ رفيع ويُقطّع إلى أرباع ويوضع جانباً ويُتبّل بالفلفل الأسود.

يُتبّل الدجاج بعصير الليمون الحامض والثوم والزعتر الأخضر، ثمّ يُغطّى ويُخبز في الفرن لمدّة تتراوح بين 25 و30 دقيقة.

في هذه الأثناء، توضع الفاصوليا البيضاء وحبوب اللفت الصغيرة في قدر مع مرقة الدجاج والكريما ويُترك المزيج ليغلي. تُترك القدر، بعد رفع غطائها، على نارٍ خفيفة لمدّة 10 دقائق تقريباً، إلى أن يقلّ ثلث كمية الصلصة. عندئذٍ، يجب التأكد من التتبيل، ثم يُضاف الأعشاب المفرومة وزيت الكمأ مع التحريك.

عندما ينضج الدجاج، يُحفظ في مكان دافئ لمدّة 10 دقائق قبل التقديم. تُصفّى الصلصة الموجودة في القدر في طبقٍ أصغر، وتُسخّن إلى أن تُصدر فقاعات، ثم تُخفق مع الخلّ الأبيض وزيت الزيتون والثوم المعمّر والخردل.

تُقسّم صلصة اللفت والفاصوليا البيضاء إلى كميات توضع في أطباق تقديم ساخنة. يوضع الدجاج على الوجه وتُسكب عليه صلصة الخلّ للتقديم.

جعت كتير أنا بالهنا والشفاا

Advertisements

تعليق واحد

Filed under ثقافـــــــات

One response to “غرامي كلوووو

  1. نفسك طيبة يا شيف لينا 🙂
    مبينين لذيذين كتير الوجبات بس لازم نجربهم بالاول ههه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s