ملخص الأسبوع

صباح الخير


يوم جديد وجمعة جديدة ان شاالله تكون جمعة سعيدة ع الجميع بما فيهم أنا طبعا
اليوم حابة احكي عن ملخص الاسبوع مش بشكل موسع ولكن بشكل مختصر وبشكل محدود
كتير احيانا بحياتنا بنتمادى بردود افعالنا وطبعا كل واحد حسب شخصيتو للاسف هادا الاسبوع كان بالنسبة الي ردود افعال عنيفة كتير
بعتذر لكل واحد جرحتو هادا الاسبوع بغض النظر عن الاسباب بتهيألي اعتذاراتي وصلت للجميع .
______________________________________________________________________________
شبه نهاية الوطن العربي
شهد الاسبوع هادا تقلبات كتيرة بالحكومات والشعوب العربية وطبعا مين ما بيعرف انو الوطن العربي شوية شوية بيوقع اخر شي اطلعت عليه بالاخبار “مشروع قرار فرنسي بريطاني لفرض عقوبات على ليبيا” سبحان الله ع رأي المثل لما توقع البقرة بيكتروا سكاكينها انا مش بصدد ادافع عن القذافي او عن قضية ليبيا انا بحكي بشكل عام حكومات كانت بهيك قوة شيء طبيعي جدا انو الكل يفرح فيهم
وخصوصا الغرب الي الهم اطماع كتيرة بالوطن العربي ….. نهاية الحكي بالسياسة ما بحب احكي فيها
_______________________________________________________________________
بداية جديدة
مبارح كان بالنسبة الي بتقدروا تقولوا يوم فيصلي بحياتي يمكن لانو تم مواجهتي بحقيقتي مش اني سيئة لا ياريت بس انو عرفت كتير شغلات عن حالي انا كنت اجهلها ,محاولاتي المتكررة لزرع روح التجدد بحياتي دائما كانت تفشل وطبعا هادا بسبب الانعزال الداخلي الي فرضاه حضرتي, بتهيألي وصلت للطريقة لكن بشكل بيصدم او بمعنى أخر بشكل مفاجئ مش مهم المهم انو طلعت بنتيجة ولو انو متأخرة كتير.
هادا الاسبوع كشفلي ع حقيقة كتير ناس بما فيهم الاصدقاء, ” لو خيروني بالدنيا بختاركم انتو صحباتي” هادي الجملة حكتلي اياها صحبيتي ومن غبائي ما غفرتلها بس رجعت تندمت كتير واعتزرتلها صحيح بعد يومين بس هاادا الي صار, ما بعرف بس سبحان الله الواحد
دائما بيبالغ بردود افعالو وكلامو كمان بغض النظر عن الاسباب
_____________________________________________________________
اهلنا
الاهل نعمة من رب العالمين والي بيحكي اهلو ما بيعنولو شي ببقى كزااااااااااااااب وكزاب كبير كمان
انا مع انو الاهل الهم تأثير كبير علينا وكتير بيأثر بحياتنا وقرارتنا سواء شباب ولا بنات كنا مهما عملوا ببقى الهم حق علينا وببقى كل واحد عندو عقل ليعمل الي بدو اياه من غير ما يعادي اهلوووو,بجد بستغرب في كتير شباب بيعادوا اهلهم غريبين مع انو نهايتهم بيرجعوا لاهلهم
ويطالبوا يسامحوهم مهما كانت مطالبنا ما نخلي الامور توصل انو نعادي اهلنا ,بالرغم من تقصيري مع اهلي بس ع الاقل ما بعطي مجال لاهلي يغضبوا عليا الا هااااادي بنجلط بجد وبقلب عفريت
_______________________أحبك بلا تطرف______________
خخخ عنوان خطر ببالي لاكتب عن الي بدي اياه مش اكتر
الحب اعمى
الكره اعمى
الغلط بيعمي
الشر اعمى
الانتقام اعمى
الغدر اعمى
الغضب اعمى
الخجل اعمى
كتير شغلات بحياتنا بنبالغ فيها لما نتمسك فيها منها الي زكرتهم فوق
لما تزيد مغالاتنا بالشيء بيبطل عادي بيصير هنالك نوع من التطرف , التطرف هو المغالاة بالشيء يعني عمل زيادة عن اللزوم ودائما التطرف بالاشياء بيؤدي الى اشياء سلبية
الي بيحب ما بيشوف بالانسان الي بحبو ولا عيييييييب بيشوفو ملاك حتى لو كان اكبر مجرم بالدنيا
الي بيكره كمان ما بيشوف بالانسان الي بيكرهو حسنة وحدة يغفرلووو او يحاول يتقربلو
والي بيغلط بينعمي كمان وبيستمر بالغلط لانو الغلط زي المطاطة بيكير ما بيصغر ازا الواحد ما صحي عليه
الشر اكبر عمى بالدنيا الي بيملى قلبو بالشر ما بيشوف غير اللون الاسود بالدنيا وما بيشوف باقي الوان الطيف
الانتقام اعمى كمان وبيخلي الواحد ما يفكر بالي بيعملو بحق البني ادم الي بدو ينتقم منوو مين ما كان يكون
الغدر اعمى
والغضب اعمى انا هادي بحكي عنها لاني جربتها كتير والنتيجة الواحد بيخسر ما بيربح دائما
” دائما خلي الك خط رجعة مع كل الناس ما تضمن الدنيا ولا بشي” حكمة المجادلة كتير بسمعها وبحاول اعمل فيها قد ما اقدر
الدنيا قلابة وما بتضمنها بدقيقة بتتغير من غير ما تحس
________________________أنا ما فشلت مجرد عقبة بالطريق___________
كتير كنت احكي اني فشلت لكوني ما قدرت احقق حلم من احلامي بالرغم انو باقي عندي احلام بحياتي بس سبحان الله البني ادم ضعيف
ولما يضعف بينسى كل شي حواليه وما بيتزكر انو لسا بيتنفس وعايش وبيحلم وقادر يعمل الي لسا ما عملو والي فشل فيه قادر يعيدو من جديد لانو الدنيا بتبدا من مكان ما وقفنا اخر مرة هيك انا بعرف

للمرة التالتة وانا بكتب هالتدوينة تقطع الكهربا لهيك مكتوب باول التدوينة صباح الخير هههههههههههه
ما علينا هادا كان ملخص اسبوعي مش الاكشنات الي صارت لا القصد الفوائد وما الى زلك
ما علينا ما علينا
الواحد بيعيش وبيتعلم

Advertisements

2 تعليقان

Filed under واقــــــع من الواقـــع

2 responses to “ملخص الأسبوع

  1. مرات كتير لما استوي من النعس بصير اطلع كم سطر ضايل ..
    بس تدوينتك بعفويتها و صلت للاخر و بدور ع الباقي ..
    أكثر مكان وقفت عنده و تبسمت كلامك عن التطرف في اي شعور بنحسه
    لانه اليوم بالذات عشت موقف التطرف اللي فيه دايقني جدا جدا
    تطرف بالغضب لدرجة انه اللي قدامي ما كان يسمع
    و صار النقاش محاولة انه يسمع مش يفهم حتى !

    صباحك و مساك سكر .. 🙂

    • هادي التدوينة كتبتها الصبح بدري خالص اول ما فتحت عيوني ما بعرف
      اجت ببالي وعلى طول دونتها
      كلو كوم والتطرف كوووم تاني
      كلو بيعدي
      مساك فل

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s