هي هيك؟؟

الصاحب صاحب لا تناسبو ولا تحاسبو
الاهل مش باقيينلنا العمر (الله يعطيهم العمر ويقدرني اسعدهم دايما ويرضوا عني)
ما في حدا باقيلك لا تقلي ابوك ولا اخوك ولا امك ولا صاحبك
كل واحد بحالو بيصير ما تيجي تحكيلي صحاب من عمر والنا عشرين سنة مع بعض ومش ممكن ومستحيل وابدا نفترق ومن حكي الافلام والمسلسلات ممكن تبقو تلتقيو مع بعض بس مش دايما الا ما تغيبوا وانا بحكي عن تجربة صداقة 15 سنة من عمري مع صديقة عمري العزيزة ويلو بس الحلو بهيك صداقة لما نشوف بعض بعد فترة اربع شهور او تلاتة او خمسة يعني فترة محترمة بحس كأنو لسا مبارح كنت معها وما غابت عني هادي الفترة
الوحيد الي ببقى معك العمر هو شريك حياتك الا ازا الله راد ياخد امانتو وينتهي عمر واحد فيكم مش تشائم ابداااااااااا هادي حقيقة.
نقطة لزيزة اجت ببالي من فترة بعد تجربة مريرة مريت فيها انو الي بيتزوجوا بيبدأو حياتهم لحالهم ببقو لفترة معينة لحالهم من غير ولاد صغار وهيك مالهم غير بعض وبيخلفو وبيربوا ولادهم وبيكبروهم وبيجوزوهم وبيرجعوا بيصفوا لحالهم زي كأنهم متزوجين جديد .
الحياة حلوة بجميع تفاصيلها المتعبة واللزيزة من وقت ما الواحد يحس حالو وعي ع الدنيا يعني صار يعرف اسمو واسم عيلتو واهلو ووين ساكن ومن هالحكي انا عني وعيت بصف رابع حسيت حالي عنجد اني عايشة مش حلم في منامي ما علينا…. المهم لحد ما الواحد يوعى ع حالو ويدخل روضة ويتعلم من البني ادمين الي بسنو والي حواليه ومن الدنيا ويفوت مدرسة ولزة النوم الي ينحرم منها كرمال يلحق جرس المدرسة والحصة الاولى ولا لزة يروح يطش مع اهلو بس ليخلص دراسة وكتابة واجبات وحفظ دروس ولخمة الراس هادي والنشاطات المدرسية
ورضا المدرسين ورضا الماما والبابا وبعدها ليخلص المدرسة ويفوت توجيهي وما ادراكم ما توجيهي كانت سنة لزيزة بحياتي غذائي الوحيد كان الفشار والسنيكرز الله يسهل ع هديك الايام وطبعا احلى يوم واصعب يوم يوم نتائج توجيهي يوم عالمي رسمي يوم عالمي الاب والام والجد والجدة والعم والعمة والخال والخالة والجيران والصحاب كلو بيستنى يسمع اسمك ليعرف نتيجتك يا عيييييييييييييني شي فاخر ع الاخر
وما ادراك ما عواقب نتيجة توجيهي انا بحكي ع العواقب الاولية ممكن تكون زغرودة ممكن تكون شبشب ينحدف عليك لسمح الله ممكن يكون دموع فرح دموع حزن دموع يأس دموع إحباط دموع فشل الله اعلم لحظة محيرة جدا واحتمالاتها بدها حساب رياضي ممكن يؤدي الى انفجار في الدماغ ويودي بحياة الجميع .
خلصنا من توجيهي خلص العيال كبرت يا عمي ودخلوا جامعات وصاروا يفكروا يتزوجوا بس قبل يشتغلوا سواء شب ولا صبية ويكونوا حالهم بما انو احنا بالقرن الواحد وعشرين يعني الشب والصبية في مساواة كلو بيكون نفسو ليأسس عيلة ما حدا احسن من حدا عيب.
قديه مر بعمرك من هالمراحل !!! قد ما مر راح يمر عليك تاني بس مش معك مع ابنك او بنتك
هي هيك الحياة دوارة ما بتوقف عندك ولا عند اهلك ولا عند صاحب ولا عند ابن بتبقى ماشية قلت اه قلت لأ بتبقى ماشي يا بتلحق وبتستغل كل لحظة بحياتك وبتعيشها يا بتروح منك هيك هيك محسوبة عليك ما في مجال للاعادة
ما تستنى يجي اليوم الي يخليك تيجي تحسبها من جديد احسبها من اول صح كيف؟؟ اتعلم من غيرك وما تستقل بخبرة غيرك احنا جيل كتير بيستهتر بنصيحة الجيل الي قبلنا انا اول وحدة فيكم ما تقلقوا ودفعت التمن وبحمد الله مش زعلانة لانو هي هيك الحياة.
الحمد لله دائما وابدا ع فكرة انا سعيدة جدا مش يائسة ابدا ولا زعلانة
الحمد لله.

Advertisements

3 تعليقات

Filed under واقــــــع من الواقـــع

3 responses to “هي هيك؟؟

  1. BFF4EVA

    دايما الحمدلله ،،
    التدوينة تايهة نوعاً ما ،،
    بس بالمجمل حلوة النصيحة ، المشكلة فينا ما بنقدرها الا بعد ما نمر بالتجربة بأنفسنا ،،
    يعني قلما تلاقي حد بياخد بنصيحة غيره وما بيدفعه الفضول للتجربة يمكن يطلع حظه احسن !
    حتى لو كانت النهاية حتمية ،،

  2. كلامك صحيح
    والتدوينة تايهة لانو كتبتها تلقائي بلاوعي
    ما علينا ان شا الله تكون من الناس الي بتاخد بالنصيحة
    اسعدني مرورك عزيزي

  3. مرحبا لينا
    العائلة ..الاصدقاء .الاخوة …………………………………الخ يعني كلشي منفضلو ونحبو ..معظم الاحيان ما منقدر وجودهون وقت يكونو بايدنا وبس نقرب نفقدهون منتذكر انو في شي مهم بحياتنا
    غبت سنة ونص عن المدونة ومابعرف ازا في حدا تذكرني من رفقاتي او ناس بعرفون بس دايما في عنا شي حلو ننتظرو لو كلمة اهلا من ناس منحبهون
    سوري تعليقي ملخبط لان صرلي زمان ما كتبت

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s