Author Archives: lina

هي هيك؟؟

الصاحب صاحب لا تناسبو ولا تحاسبو
الاهل مش باقيينلنا العمر (الله يعطيهم العمر ويقدرني اسعدهم دايما ويرضوا عني)
ما في حدا باقيلك لا تقلي ابوك ولا اخوك ولا امك ولا صاحبك
كل واحد بحالو بيصير ما تيجي تحكيلي صحاب من عمر والنا عشرين سنة مع بعض ومش ممكن ومستحيل وابدا نفترق ومن حكي الافلام والمسلسلات ممكن تبقو تلتقيو مع بعض بس مش دايما الا ما تغيبوا وانا بحكي عن تجربة صداقة 15 سنة من عمري مع صديقة عمري العزيزة ويلو بس الحلو بهيك صداقة لما نشوف بعض بعد فترة اربع شهور او تلاتة او خمسة يعني فترة محترمة بحس كأنو لسا مبارح كنت معها وما غابت عني هادي الفترة
الوحيد الي ببقى معك العمر هو شريك حياتك الا ازا الله راد ياخد امانتو وينتهي عمر واحد فيكم مش تشائم ابداااااااااا هادي حقيقة.
نقطة لزيزة اجت ببالي من فترة بعد تجربة مريرة مريت فيها انو الي بيتزوجوا بيبدأو حياتهم لحالهم ببقو لفترة معينة لحالهم من غير ولاد صغار وهيك مالهم غير بعض وبيخلفو وبيربوا ولادهم وبيكبروهم وبيجوزوهم وبيرجعوا بيصفوا لحالهم زي كأنهم متزوجين جديد .
الحياة حلوة بجميع تفاصيلها المتعبة واللزيزة من وقت ما الواحد يحس حالو وعي ع الدنيا يعني صار يعرف اسمو واسم عيلتو واهلو ووين ساكن ومن هالحكي انا عني وعيت بصف رابع حسيت حالي عنجد اني عايشة مش حلم في منامي ما علينا…. المهم لحد ما الواحد يوعى ع حالو ويدخل روضة ويتعلم من البني ادمين الي بسنو والي حواليه ومن الدنيا ويفوت مدرسة ولزة النوم الي ينحرم منها كرمال يلحق جرس المدرسة والحصة الاولى ولا لزة يروح يطش مع اهلو بس ليخلص دراسة وكتابة واجبات وحفظ دروس ولخمة الراس هادي والنشاطات المدرسية
ورضا المدرسين ورضا الماما والبابا وبعدها ليخلص المدرسة ويفوت توجيهي وما ادراكم ما توجيهي كانت سنة لزيزة بحياتي غذائي الوحيد كان الفشار والسنيكرز الله يسهل ع هديك الايام وطبعا احلى يوم واصعب يوم يوم نتائج توجيهي يوم عالمي رسمي يوم عالمي الاب والام والجد والجدة والعم والعمة والخال والخالة والجيران والصحاب كلو بيستنى يسمع اسمك ليعرف نتيجتك يا عيييييييييييييني شي فاخر ع الاخر
وما ادراك ما عواقب نتيجة توجيهي انا بحكي ع العواقب الاولية ممكن تكون زغرودة ممكن تكون شبشب ينحدف عليك لسمح الله ممكن يكون دموع فرح دموع حزن دموع يأس دموع إحباط دموع فشل الله اعلم لحظة محيرة جدا واحتمالاتها بدها حساب رياضي ممكن يؤدي الى انفجار في الدماغ ويودي بحياة الجميع .
خلصنا من توجيهي خلص العيال كبرت يا عمي ودخلوا جامعات وصاروا يفكروا يتزوجوا بس قبل يشتغلوا سواء شب ولا صبية ويكونوا حالهم بما انو احنا بالقرن الواحد وعشرين يعني الشب والصبية في مساواة كلو بيكون نفسو ليأسس عيلة ما حدا احسن من حدا عيب.
قديه مر بعمرك من هالمراحل !!! قد ما مر راح يمر عليك تاني بس مش معك مع ابنك او بنتك
هي هيك الحياة دوارة ما بتوقف عندك ولا عند اهلك ولا عند صاحب ولا عند ابن بتبقى ماشية قلت اه قلت لأ بتبقى ماشي يا بتلحق وبتستغل كل لحظة بحياتك وبتعيشها يا بتروح منك هيك هيك محسوبة عليك ما في مجال للاعادة
ما تستنى يجي اليوم الي يخليك تيجي تحسبها من جديد احسبها من اول صح كيف؟؟ اتعلم من غيرك وما تستقل بخبرة غيرك احنا جيل كتير بيستهتر بنصيحة الجيل الي قبلنا انا اول وحدة فيكم ما تقلقوا ودفعت التمن وبحمد الله مش زعلانة لانو هي هيك الحياة.
الحمد لله دائما وابدا ع فكرة انا سعيدة جدا مش يائسة ابدا ولا زعلانة
الحمد لله.

Advertisements

3 تعليقات

Filed under واقــــــع من الواقـــع

في جعبتـــــــي…

في جعبتي الكثير
والكثير الكثير. . . . .
على الباب انتظر لقائك من جديد
طال البعد والشوق في القلب محترق
في جعبتي …
بعض من الأسى في حضرتهم
أجراس تدق ولا تسمع
أذان يرفع ولا يسمع
أناس يبتاعون ولا يشبع
أعيِدٌ!!!
أم ذكرى آخر ممالك الروم تنهار !!
في جعبتي…. رسالة بلا عنوان ولا مرسل أرسلها إليه
رسالة الى مغترب تجرع كأس الغدر على يدي
احس بالوهن مما تحمله جعبتي قد أثقلت كاهلي
إجهاض ذلك الطفل أثقل جعبتي بما فيها
لم أعد بحول او قوة أفكر بشيء ينتشل أجزائي من قعر ذلك المحيط
في جعبتي …
ذلك الرداء الصوفي مزقته
“لماذا؟!!” ……….. قد مات صاحبه فما نفع الرداء الآن!!
طفلي الصغير أحببتك وكرهتك معاً
اغفر لي.

2 تعليقان

Filed under هوامش

forgive me

4 تعليقات

Filed under مفضلتي الغنائية

واخيرا يا بلد


سوووريا انتفضي بلا كلل او ملل

” اخترعوا الفيس ليلهونا عن قضيتنا ويبعدونا عن وحدتنا وما عرفوا انو اخترعولنا وسيلة او بالاصح سلاح جديد بيقتل بس من دون دم”
هادي كانت عبارة لصديقة اثناء حديثنا عن توقعاتنا للأحداث الجارية اليوم الانتفاضة الثالثة
في بعض الناس كانوا يحكوا انو ما راح يصير شي ,على العكس تماما كتير ناس ولما احكي كتير ناس بخص فئة الشباب بالمجتمع كانوا مراهنين ع هاليووم مع االاجيال السابقة انو هاليوم راح يكون تاريخي وفعلا من فجر اليوم كان اليوم برونقو وسطوع شمسو تاريخي بكل ما تحمله الكلمة من معنى … اول ناس بجد حسوا بهادا الشي وفعلا لمسوه وخلونا نحس فيه ع ارض الواقع هما الصحافيين
ما يجيني واحد يتفلسف ويحكي انو ما هما بيشتغلوا للوكالات والفضائيات !!! والأخ ناسي انو الي بيعملوه واجب وطني قبل ما يبقى شغل وبيقبضوا عليه ولا شغل وبيموتوا وهما بيشتغلوا فيه وما سأل حالوا ليه الصحافيين بيعرضوا حياتهم للخطر …اه معلش ناسي ماشي الصحفيين عنا بغزة تحديدا بيروحوا ع شغلهم وكفنهم ع كتافهم نوع من التعبير زي ما اليوم الشباب طلعوا مظاهرات سلمية تعبيرا عن رفضهم لاستمرار كاونتر النكبة بالزيادة محاولة منهم لوقف عداد هالسنين للنكبة ورفضهم للحصار ورفضهم لتكميم الافواه طبعا افواه الشعوب
اليوم بجد يوم رائع بما تحمله الكلمة من معنى ومازالت الفعاليات مستمرة ولن تنتهي الا بانجاز كبير ما بدي اقول تنتهي بنهاية دولة اسرائيل مع انوما في ع الله صعب بس كل شي بدو وقت والا ما ييجي يوم ونمحي اسم اسرائيل عن الخريطة
صبراً آل ياسر
انا فخورة كتير بهادا اليووم وما خابت توقعاتي وما راح تخيب ودم الشهدا بهادا اليوم اكبر برهان
ربي يحميكم يا شباب العرب الاصيل

أضف تعليق

Filed under واقــــــع من الواقـــع

قصتنا…


عندما يقتل الخوف صداقتنا
عندما يقتل الأمل حبنا
نتحول الى بقايا رماد نبحث عن مستقر لنا
وتصبح قصتنا مجرد قصة عابرة في دنيا الواقع
كباقي القصص لكل قصة نهاية
تلك هي النهاية..

3 تعليقات

Filed under هوامش

حلم يتبدد…

هامش لا أكثر هي روحي
لا تعلم من أين تتلقى الصدمات
صدمة تلو الأخرى لن تشعر بالألم بالوقت الحالي
ستبقى امطارك معلنة الشتاء حتى تتخدر عيناك من ملوحة الدمع
لا تتعجب كثيراً وتفكر فيما ستقول بعد..
لم يبقى متسع من الوقت لتعتذر
كلماتنا كالرصاص لا تعود أبدا الا وقد أودت بحياة أحدهم حتماً
يا لسذاجتي اكنت أظن بذلك الحلم حقاً يستحق أن يولد على هذه الأرض
عذراً ليس هناك متسع للدموع بعد
…..
يكفيني الحياة أو الموت بلا هدف

4 تعليقات

Filed under هوامش

ريالX برشلونة

احم احم
اعلن من هنا انتمائي للريال مدريد طبعا الفريق الملكي غني ع التعريف
الليلة طبعااا حاسمة والكل بيستنى ليشوف مين راح يفوز
برشا حديد ريال سيحووووووووووووووو هع هع هع هع

أضف تعليق

Filed under ثقافـــــــات