Category Archives: واقــــــع من الواقـــع

حكايات نعايشها ,لتبقى في التاريخ عبرة وتبقى لنا حكمة

احلام مستغانمي “الأسود يليق بك”

قالت احلام مستغانمي ،،

“الأكثر وجعاً هو ما امتلكناه برهة من الزمن وسيظل ينقصنا الى الأبد”

 

أضف تعليق

Filed under واقــــــع من الواقـــع

هي هيك؟؟

الصاحب صاحب لا تناسبو ولا تحاسبو
الاهل مش باقيينلنا العمر (الله يعطيهم العمر ويقدرني اسعدهم دايما ويرضوا عني)
ما في حدا باقيلك لا تقلي ابوك ولا اخوك ولا امك ولا صاحبك
كل واحد بحالو بيصير ما تيجي تحكيلي صحاب من عمر والنا عشرين سنة مع بعض ومش ممكن ومستحيل وابدا نفترق ومن حكي الافلام والمسلسلات ممكن تبقو تلتقيو مع بعض بس مش دايما الا ما تغيبوا وانا بحكي عن تجربة صداقة 15 سنة من عمري مع صديقة عمري العزيزة ويلو بس الحلو بهيك صداقة لما نشوف بعض بعد فترة اربع شهور او تلاتة او خمسة يعني فترة محترمة بحس كأنو لسا مبارح كنت معها وما غابت عني هادي الفترة
الوحيد الي ببقى معك العمر هو شريك حياتك الا ازا الله راد ياخد امانتو وينتهي عمر واحد فيكم مش تشائم ابداااااااااا هادي حقيقة.
نقطة لزيزة اجت ببالي من فترة بعد تجربة مريرة مريت فيها انو الي بيتزوجوا بيبدأو حياتهم لحالهم ببقو لفترة معينة لحالهم من غير ولاد صغار وهيك مالهم غير بعض وبيخلفو وبيربوا ولادهم وبيكبروهم وبيجوزوهم وبيرجعوا بيصفوا لحالهم زي كأنهم متزوجين جديد .
الحياة حلوة بجميع تفاصيلها المتعبة واللزيزة من وقت ما الواحد يحس حالو وعي ع الدنيا يعني صار يعرف اسمو واسم عيلتو واهلو ووين ساكن ومن هالحكي انا عني وعيت بصف رابع حسيت حالي عنجد اني عايشة مش حلم في منامي ما علينا…. المهم لحد ما الواحد يوعى ع حالو ويدخل روضة ويتعلم من البني ادمين الي بسنو والي حواليه ومن الدنيا ويفوت مدرسة ولزة النوم الي ينحرم منها كرمال يلحق جرس المدرسة والحصة الاولى ولا لزة يروح يطش مع اهلو بس ليخلص دراسة وكتابة واجبات وحفظ دروس ولخمة الراس هادي والنشاطات المدرسية
ورضا المدرسين ورضا الماما والبابا وبعدها ليخلص المدرسة ويفوت توجيهي وما ادراكم ما توجيهي كانت سنة لزيزة بحياتي غذائي الوحيد كان الفشار والسنيكرز الله يسهل ع هديك الايام وطبعا احلى يوم واصعب يوم يوم نتائج توجيهي يوم عالمي رسمي يوم عالمي الاب والام والجد والجدة والعم والعمة والخال والخالة والجيران والصحاب كلو بيستنى يسمع اسمك ليعرف نتيجتك يا عيييييييييييييني شي فاخر ع الاخر
وما ادراك ما عواقب نتيجة توجيهي انا بحكي ع العواقب الاولية ممكن تكون زغرودة ممكن تكون شبشب ينحدف عليك لسمح الله ممكن يكون دموع فرح دموع حزن دموع يأس دموع إحباط دموع فشل الله اعلم لحظة محيرة جدا واحتمالاتها بدها حساب رياضي ممكن يؤدي الى انفجار في الدماغ ويودي بحياة الجميع .
خلصنا من توجيهي خلص العيال كبرت يا عمي ودخلوا جامعات وصاروا يفكروا يتزوجوا بس قبل يشتغلوا سواء شب ولا صبية ويكونوا حالهم بما انو احنا بالقرن الواحد وعشرين يعني الشب والصبية في مساواة كلو بيكون نفسو ليأسس عيلة ما حدا احسن من حدا عيب.
قديه مر بعمرك من هالمراحل !!! قد ما مر راح يمر عليك تاني بس مش معك مع ابنك او بنتك
هي هيك الحياة دوارة ما بتوقف عندك ولا عند اهلك ولا عند صاحب ولا عند ابن بتبقى ماشية قلت اه قلت لأ بتبقى ماشي يا بتلحق وبتستغل كل لحظة بحياتك وبتعيشها يا بتروح منك هيك هيك محسوبة عليك ما في مجال للاعادة
ما تستنى يجي اليوم الي يخليك تيجي تحسبها من جديد احسبها من اول صح كيف؟؟ اتعلم من غيرك وما تستقل بخبرة غيرك احنا جيل كتير بيستهتر بنصيحة الجيل الي قبلنا انا اول وحدة فيكم ما تقلقوا ودفعت التمن وبحمد الله مش زعلانة لانو هي هيك الحياة.
الحمد لله دائما وابدا ع فكرة انا سعيدة جدا مش يائسة ابدا ولا زعلانة
الحمد لله.

3 تعليقات

Filed under واقــــــع من الواقـــع

واخيرا يا بلد


سوووريا انتفضي بلا كلل او ملل

” اخترعوا الفيس ليلهونا عن قضيتنا ويبعدونا عن وحدتنا وما عرفوا انو اخترعولنا وسيلة او بالاصح سلاح جديد بيقتل بس من دون دم”
هادي كانت عبارة لصديقة اثناء حديثنا عن توقعاتنا للأحداث الجارية اليوم الانتفاضة الثالثة
في بعض الناس كانوا يحكوا انو ما راح يصير شي ,على العكس تماما كتير ناس ولما احكي كتير ناس بخص فئة الشباب بالمجتمع كانوا مراهنين ع هاليووم مع االاجيال السابقة انو هاليوم راح يكون تاريخي وفعلا من فجر اليوم كان اليوم برونقو وسطوع شمسو تاريخي بكل ما تحمله الكلمة من معنى … اول ناس بجد حسوا بهادا الشي وفعلا لمسوه وخلونا نحس فيه ع ارض الواقع هما الصحافيين
ما يجيني واحد يتفلسف ويحكي انو ما هما بيشتغلوا للوكالات والفضائيات !!! والأخ ناسي انو الي بيعملوه واجب وطني قبل ما يبقى شغل وبيقبضوا عليه ولا شغل وبيموتوا وهما بيشتغلوا فيه وما سأل حالوا ليه الصحافيين بيعرضوا حياتهم للخطر …اه معلش ناسي ماشي الصحفيين عنا بغزة تحديدا بيروحوا ع شغلهم وكفنهم ع كتافهم نوع من التعبير زي ما اليوم الشباب طلعوا مظاهرات سلمية تعبيرا عن رفضهم لاستمرار كاونتر النكبة بالزيادة محاولة منهم لوقف عداد هالسنين للنكبة ورفضهم للحصار ورفضهم لتكميم الافواه طبعا افواه الشعوب
اليوم بجد يوم رائع بما تحمله الكلمة من معنى ومازالت الفعاليات مستمرة ولن تنتهي الا بانجاز كبير ما بدي اقول تنتهي بنهاية دولة اسرائيل مع انوما في ع الله صعب بس كل شي بدو وقت والا ما ييجي يوم ونمحي اسم اسرائيل عن الخريطة
صبراً آل ياسر
انا فخورة كتير بهادا اليووم وما خابت توقعاتي وما راح تخيب ودم الشهدا بهادا اليوم اكبر برهان
ربي يحميكم يا شباب العرب الاصيل

أضف تعليق

Filed under واقــــــع من الواقـــع

كزبة نيسان

احم احم احم
نيساااااااااااااااان اسم حلو للبنات
نيجي لكزبة نيسان مش عارفة مين الي بدا فيها ومين الي طلعها ببقى ابحث بالموضوع لاشباع فضولي مش اكثر
ما علينا اليوم الجمعة يعني الحسنات مضاعفة والكزب مضاعف هههههههههههه مين كزب اليوم كزبة نيساااااااااان؟؟
انا عني هلأ الي اتزكرت انو اليوم اول ابريل (اول نيسان) يعني يومالكزززب العالمي هههههههههههههههه
البني ادمين مش حارمين حالهم من حاجة بما في زلك يوم الكزب العالمي خخخخخخخخخخخخخخخ
شو جديدكم بالكزب خلينا نستفيد منكم هههههههههههه زي الي عنجد

6 تعليقات

Filed under واقــــــع من الواقـــع

ولكم ..اي تي …

اي تي يعني تكنولوجيا المعلومات
اي تي يعني مواكبة كل جديد بالتكنولوجيا
اي تي يعني متفتح الذهن
اي تي يعني قابل للتطوير
اي تي يعني طور ع نفسك ودايما حاول كل جديد بالتكنولوجيا تتعلموا ع الاقل نجرب
كتير طلاب اي تي بتيجي تحكيلهم بتعرف تبرمج بيحكيلك لأ ,طيب بلاش بتعرف تصمم ؟؟ بيحكيلك لأ طيب بلاش بتعرف تحلل نظام؟؟ بيحكيلك لأ,طيب بلاااااااااش بتعرف تفرمت بيحكيلك لأ ما حدا ينطلي ويحكيلي هو في حدا لليوم ما بيعرف يفرمت انا شفت اه في ناس ما بيعرفوا يفرمتو
ولا يدبروا راسهم بتنزيل برنامج ولا تحميل برنامج من موقع شركة كبيرة ولا من النت حتى وكتييييير طلاب اي تي ما بيعرفو يحملوا صورة ع النت او ملف
او يضغطوا ملف كبير هادي كاااااارثة كبرى انا للامانة بنصعق مش معنى زلك اني فلتة او عبقرية زماني بس ع الاقل عندي توجه بالاي تي مش عايشة عايمة اما الي زي هيك اصناف بيحكولك انا ما بدي شي انا بدي بس هالشهادة!!!
عفوا ولما بدك تشتغل بدك تحكيلهم انا معي شهادة وخلص فكت فكينا وظفوني !! امركم عجيب بيقوم يرد ويحكيلك ما انا عندي توجهات بس مش بالاي تي بمن وظيفتي بهادا التوجه !!! يا سلااااااااام للهدرجة عمرك ما بيسوى لتضيعوا بدراسة ما بدك تشتغل فيها او دراسة متعبة كتييييييييير كرمال كرتونة يا اخي تعال انا بعملك اياها احلى من الرسمية ولا تضيع عمرك وتحكيلي توجهي مش اي تي
بنغلط كتير باختياراتنا بحياتنا ولما نوصل لطريق مسدود بنصير نقول ياريت وياريت اوك حلو الواحد يندم مش منطق اضيع عمري بشي ما بدي انميه او استفيد منووو

ارحمووو انفسكم يرحمكم الله وارحمووووني خلي عندكم توووووجه

لسا باقي ما فشيت غلي انتظروا الجزء التاني
هع هع

7 تعليقات

Filed under واقــــــع من الواقـــع

ما هي المبررات؟؟؟

كتير بيجيك واحد وبيقلك لما تعمل غلط ما تبررلي !!
وكتير بيجيك واحد وبيحكيلك اعطيني سبب وااااحد للي عملتو!!
شو الفرق بين المبرر والسبب؟؟
وبيجيك واحد تاني بيقلك اانا ما ببرر موقفي وهو بيكون بيحكيلك اسباب مثلا المشكلة الي عملها او تغيبو او او او
هادا شو اسمو
وهادا شو اسمووو
للامانة هالشعب بتحتار فيه بيطلعو الكلام من ويييين ؟؟؟؟
ووووين هالقواميس هادي الي بيستخدموها حدا يدلني عليها خليني اخد شوية عبقرية يمكن اصير ملسنة ع قولة هالواحد بيحكي عن حالو عبقري بالحكي وملسن ” انا ملسن” خخخخخخخخخ
شو يعني ملسن بالله؟؟
خخخخخخ خيبة

أضف تعليق

Filed under واقــــــع من الواقـــع

بيت السبع ما يخلى من العظام

؟؟؟: مرحبا يا خالتي..
هي!!: اهلين !!
؟؟؟:والله رجليا كاتلتني عندي مسمار عظم دبحني دبح مش كادرة امشي انا من الشنوب ومش قادرة اوصل الموكف عشان اروح
هي!!:( أنا:شو هادا فيلم كتاب حياتي يا عين؟؟؟) بعين الله يا حجة.
؟؟؟: خليني اتركز عليكي شوية منشان الله بس لأوصل هنيك بركي الاكي سيارة توصلني
هي!!:ماشي يا خالتو (أنا : خخخخخخ الله يجزاكي كل خير )
؟؟؟: الله يرضى عليكي بس ركبيني معيش مصاري
هي!!:بسيطة يا خالتي( انا : ههههههههههههههههه طبعا مواصلتين وبقشيش كرمال السوااق بس طبعا هتقلها هاتيهم ما بدي اغلبك بكفي شكرا كتير الك يا بنتي العزيزة)

محادثة شيقة استمتعت كتير وانا بسمع فيها طبعا هادي المحادثة كانت بالشارع وحدة كبيرة بالسن مش كتير بس بحدود 40 او 45 وقفت قريبتي كانت ماشية معي وانا صفيت بعيد اتفرج ع الفيلم القصير هادا وميتة ضحك
فعلا بيت السبع ما يخلى من العظام الشحاتين بيبدعوا بطرق الشحتة وما بغلبوا انو يلاقوا طريقة مقنعة ليشحتوا او يستقطبوا الناس ليعطوهم
راح ييجي اي حدا ويحكيلي حرام ما هما محتاجين انا عندي نظرية بتحكي الي محتاج ما بمد ايدو لو شوو ما كان الواحد ما ببقى عندو غير الكرامة شو الفرق بين فقير ما مد ايدو وبين غني حرامي الكرامة الفقير عندو كرامة ما بتخلى عنها كرمال قطعتين معدن اما الغني ببيع كرامتو مقابل هالقطعتين وبالاخر ما بياخد شي لا دنيا ولا اخرة الفقر مش عيب ولا بعمرو كان عيب ولا حرام الفقر اختبار من رب العالمين
ما ييجي حدا يحكيلي لانك مش حاسة بالفقير بتحكي هيك لانك ما عشت الي بيعيشوا الفقرا بتحكي هيك ,بالعكس تماما احنا بغززززة المعظم ان ما كان الكل عاش ايام فقر بجد ,
اي بتمر عليا ايام ما معي شيكل وببقى الواحد ساكت وبيضحك ومرت علينا ايام الله لا يرجعها ما بعرف كيف مرت
كل واحد عايش بغزة داق المر والفقر بنفس الوقت وهادا بحد زاتو بجد معاناة كبيرة .
في موقف تاني صار وحدة شحاتة بتدعي وانا وصحبيتي ماشيين صحبيتي للامانة صلاة النبي الله عاطيهم من وسع كتيير وقفت للشحاتة وحكتلها بعطيكي بس بشرط شيلي النقاب!!! استمرت بالدعاوي دون اي اهتمام بطلب صحبيتي طبعا لا يمكن تشيل النقاب لانو الغلط الواحد بيستعر منو وبيخجل منو بتهيألي القصة واضحة
الي ما عندو مبدأ بيموت حالو بالحياة

نقطة وسطر جديد.

3 تعليقات

Filed under واقــــــع من الواقـــع